नागरिक एपमा गुनासो सुन्ने फिचर थप
नेपाल प्रेस
२०७८ वैशाख ९ गते १३:५७
काठमाडौं । सरकारी सेवाका लागि कागजात बोक्नु नपर्ने उद्देश्यका सरकारले संचालनमा ल्याएको नागरिक एपमा गुनासो सुन्ने फिचर थप गरिएको छ ।
सार्वजनिक सेवा दिने गरी प्रयोग आएको एपमा नागरिकता फेला नपरेको र नागरिकताको विवरण नमिलेको गुनासो सुन्ने व्यवस्था मिलाइएको हो ।
नागरिक एपमा खाता खोल्दा नागरिकता फेला नपरेको वा विवरण नमिलेको अवस्थामा एपमार्फत प्रयोगकर्ताले गुनासो गर्न सक्नेछन् ।
प्रयोगकर्ताहरुले अन्तिममा रहेको ‘रिक्वेस्ट फर करेक्सन’ अथवा ‘त्रुटी सच्याउने अनुरोध’ मा गएर नागरिकताको अगाडि र पछाडि दुवै तर्फको फोटो खिचेर अपलोड गर्नुपर्ने हुन्छ ।
यसरी अपलोड भएको नागरिकता सम्बन्धित जिल्ला प्रशासन कार्यालयले अभिलेख भिडान गरी विवरण मिलाउनेछ ।
नेपाल प्रेस
प्रकाशित: २०७८ वैशाख ९ गते १३:५७
प्रतिक्रिया
सम्बन्धित खवर
