सुरेन्द्र पाण्डेको जवाफ- हाम्रो गतिविधि एकता जोगाउन, ओलीको विधानविपरीत (पूर्णपाठ)

काठमाडौं । नेकपा एमालेका नेता सुरेन्द्र पाण्डेले स्पष्टीकरण बुझाएका छन् ।

गत चैत ४ र ५ गते ललितपुरमा आयोजना गरिएको राष्ट्रिय कार्यकर्ता भेला कुनै पार्टी खोल्न नभइ नवौं राष्ट्रिय महाधिवेशनबाट पारित राजनीतिक मार्ग निर्देशन र विधानको प्रतिरक्षा तथा एमालेको एकता र हितमा केन्द्रित रहेको पाण्डेको जिकिर छ ।

चार पेजको जवाफमा पाण्डेले अध्यक्ष केपी ओलीको पछिल्ला कदमलाई विधानविपरीतको संज्ञा दिएका छन् । ‘नेपालको कम्युनिष्ट आन्दोलन नै समाप्त पार्ने प्रकृतिका भएकाले यो सबै प्रकृया अविलम्व रोकी पार्टीलाई एकतावद्ध गर्न आवश्यक पहल गर्न समेत आह्वान गर्न चाहन्छु’, उनले लेखेका छन् ।

५ बुँदामा जवाफ दिएका पाण्डेले पार्टी अध्यक्ष ओलीको कदमले निम्त्याउने दुष्परिणामको भागीदार उनी नै हुनुपर्ने चेतावनीसमेत दिएका छन् ।