स्थानीयको विरोधपछि झोलुङ्गे पुलको कर संकलन स्थगित
नेपाल प्रेस
२०७८ वैशाख ९ गते १४:२४
बागलुङ । स्थानीयको विरोधपछि बागलुङ नगरपालिकाले झोलुङ्गे पुलको कर संकलन स्थगित गरेको छ ।
नगरपालिकाले आज एक सूचना जारी गरी बाङ्गेचौर-अदुवाबारी जोड्ने झोलुङ्गे पुल प्रयोग गरेवापतको कर संकलन स्थगित गरेको हो ।
पुलमार्फत ओहरदोहर गर्ने कर तिर्नु पर्ने भएपछि सामाजिक सञ्जालमा नगरपालिकाको आलोचना भएको थियो ।
नगरपालिकाले मङ्गलबारदेखि लागू हुनेगरी ज्येष्ठ नागरिक, अपाङ्गता भएका र विद्यार्थीलाई प्रतिव्यक्ति रु १० र अन्य व्यक्तिलाई २० रूपैयाँ कर उठाउन थालेको थियो ।
संघीय सरकारले निर्माण गरेको ५६७ मिटर लामो उक्त पुलमा पूर्वाधार उपयोग कर अर्को व्यवस्था नभएसम्मको लागि स्थगित गरिएको नगरपालिकाका प्रमुख प्रशासकीय अधिकृत जीवन ज्ञवालीले जानकारी दिए ।
नेपाल प्रेस
प्रकाशित: २०७८ वैशाख ९ गते १४:२४
प्रतिक्रिया
सम्बन्धित खवर
