भोजपुरमा जन्ती बोकेको गाडी दुर्घटना, चारजना घाइते
नेपाल प्रेस
२०७८ वैशाख १० गते ११:३१
भोजपुर । जन्ती बोकेको गाडी दुर्घटना हुँदा भोजपुरमा चारजना घाइते भएका छन् ।
भोजपुरको साल्पासिलिछो गाउँपालिका-२ कुलुङबाट टेम्केमैयुङ गाउँपालिकाको दिल्पा हिँडेको ग. ३ च ३६३२ नम्बरको फोर्स गाडी षडानन्द नगरपालिका-५ चिउरीबोटेमा बिहान साढे पाँच बजे दुर्घटना भएको हो ।
घाइते हुनेमा साल्पासिलिछो- २ का ४७ वर्षीय घनश्याम गिरी, ४८ वर्षीय बालकृष्ण गिरी, ६० वर्षीय वासुदेव गिरी, ३५ वर्षीय निलबहादुर घाइते भएको इलाका प्रहरी कार्यालय दिङ्लाले जनाएको छ ।
घाइतेको अवस्था सामान्य छ । गाडीमा बेहुलासहित १४ जना सवार थिए । घाइतेलाई उपचारको लागि संखुवासभाको तुम्लिङटारस्थित मनकामना अस्पताल पठाइएको दिङ्लाका इन्सपेक्टर भाष्कर खतिवडाले बताए ।
चिप्लो सडकका कारण दुर्घटना भएको प्रहरीले जनाएको छ ।
नेपाल प्रेस
प्रकाशित: २०७८ वैशाख १० गते ११:३१
प्रतिक्रिया
सम्बन्धित खवर
