त्रिकोणात्मक सिरिज फाइनलः कुशलले हाने चौंथो अर्धसतक
नेपाल प्रेस
२०७८ वैशाख ११ गते १४:१४
काठमाडौं । त्रिकोणात्मक सिरिज अन्तर अहिले जारी नेपाल र नेदरल्यान्ड्सबीचको फायनलमा नेपाली ओपनर कुशल भुर्तेलले अर्धसतक प्रहार गरेका छन् । प्रतियोगितामा यो उनको चौंथो अर्धसतक हो ।
संयमित भएर खेलिरहेका कुशलले २ छक्का र ५ चौकाको मद्दतमा आफ्नो अर्धसतक पुरा गरेका हुन् । उनले पहिलो विकेटका लागि आसिफ सेखसँग ३० रनको र दोस्रो विकेटका लागि ज्ञानेन्द्र मल्लसँग ५७ रनको साझेदारी गरेका थिए ।
आसिफ १६ रनमा र ज्ञानेन्द्र ३३ रनमा आउट भए । अहिले भुर्तेललाई कुशल मल्लले क्रिजमा साथ दिइरहेका छन् ।
यो समाचार लेख्दासम्म नेपालले २ विकेटको क्षतिमा १२१ रन बनाएर खेलिरहेको छ ।
नेपाल प्रेस
प्रकाशित: २०७८ वैशाख ११ गते १४:१४
प्रतिक्रिया
सम्बन्धित खवर
