कैलालीमा थप एक कोरोना संक्रमितको मृत्यु

कैलाली । कैलालीका थप एक जना कोरोना सङ्क्रमितको पुरुषको मृत्यु भएको छ ।

टीकापुर नगरपालिकाका १० एक ५५ वर्षीय पुरुषको सेती प्रादेशिक अस्पतालको अस्थायी कोरोना अस्पतालमा उपचारको क्रममा मृत्यु भएको हो ।

वैशाख ७ गते कडा निमोनिया सहित भर्ना भएका पुरुषको आईसीयूमा उपचार भइरहेको थियो । उनको आइतबार साँझ मृत्यु भएको अस्पतालका सूचना अधिकारी दिलिप कुमार श्रेष्ठले जानकारी दिए ।

आज एकै दिन कोरोना अस्पतालमा २ संक्रमितको मृत्यु भएको छ । दोस्रो लहरको कोरोना सुरु भएपछि सेतिमा उपचार गराइरहेका ५ जनाको मृत्यु भइसकेको छ ।