दीपक मनाङेले भने : एमाले मनाङले भने अनुसार निर्णय लिएको छु

काठमाडौं । स्वतन्त्र सांसद दिपक मनाङे (राजिव गुरुङ)ले अन्ततः एमालेकै पक्षमा खुल्ने निर्णय गरेका छन् । मुख्यमन्त्री पृथ्वीसुब्बा गुरुङविरुद्ध अविश्वास प्रस्ताव दर्तापछि स्वतन्त्रको सिट माग्दै सरकारको विपक्षमा उभिएका मनाङे बुधवार प्रदेश सभा बैठकमा अनुपस्थित भएका थिए ।

उनको दिनभर मोबाइल समेत अफ थियो । प्रदेश सभाको दोस्रो सत्रको बैठक बस्ने बेला पुगेका मनाङेले आफ्नो जिल्लाका मतदाताले पृथ्वीसुब्बा गुरुङको विपक्षमा नलाग्ने दबाब दिएको बताएको थिए । त्यसको केहीबेरपछि उनले फेसबुकमा छोटो स्टाटस लेख्दै भनेका छन्- मनाङ्ग जिल्लाको नेकपा एमाले संगठनले भने अनुसारको निर्णय लिएको छु ।

उनी २०७४ सालको प्रदेशसभा निर्वाचनमा एमालेको समर्थनमा बालक चुनाव चिन्ह लिएर स्वतन्त्र उम्मेदवारका रुपमा निर्वाचित भएका थिए ।