कुम्भ मेलाबाट नेपाल फर्किएका ७५ प्रतिशतमा कोरोना संक्रमण पुष्टि

काठमाडौं । यसैमहिनाको सुरुआतमा भारतको हरिद्धारमा हिन्दू धर्मावलम्वीको कूम्भ भेला भीडभाडका साथ आयोजना गरियो । उक्त मेलाबाट भारतमा कोरोना फैलिएको भनेर सत्तारुढ दल बीजेपीको आलोचना भैरहेको छ ।

उक्त मेलामा सहभागि भएर नेपाल फर्किएका पूर्वराजा ज्ञानेन्द्रलाई कोरोना संक्रमित भएपछि अहिले नर्भिक अस्पतालमा भर्ना गरिएको छ । पूर्वराजासहित उनको परिवारका सदस्यहरुलाई अहिले अक्सिजन दिएर अस्पतालमा उपचार गरिएको छ ।

स्वास्थ्य तथा जनसंख्या मन्त्रालयका अनुसार उक्त कुम्भ मेलामा सहभागि भएर नेपाल फर्किएकामध्ये ७५ प्रतिशतमा कोरोनाभाइरस संक्रमण पुष्टि भएको छ । उक्त मेलामा सहभागि भएर फर्किएका झन्डै १ लाखमध्ये कन्ट्याक्ट ट्रेसिङबाट परीक्षण गर्दा ७५ प्रतिशतमा भाइरस संक्रमण पुष्टि भएको हो ।

भारतीय अधिकारीहरुका अनुसार कुम्भ मेलामा भाग लिएर फर्किएकाबाटै विहार, उत्तर प्रदेश लगायतका राज्यमा समेत संक्रमण फैलिएको छ । मेलामा सहभागि भएर दिल्ली फर्कनेलाई भारतले अनिवार्य क्वारेन्टिनमा बस्नुपर्ने निर्देशन दिएको थियो ।

तर, नेपाल आइपुगेका पूर्वराजासहितका तीर्थयात्री भने क्वारेन्टिनमा नबसेको भन्दै सामाजिक संजालमा आलोचना भएको थियो ।