लुम्बिनी प्रकरणप्रति देउवाको टिप्पणी- विधि र पद्दतिमाथि बलमिच्याईं

काठमाडौं । लुम्बिनी प्रदेशमा जारी राजनीतिक उथलपुथलप्रति नेपाली कांग्रेसले प्रतिक्रिया जनाएको छ।

नेपाली कांग्रेसका सभापति शेरबहादुर देउवाले आइतबार साँझ विज्ञप्ति जारी गर्दै भनेका छन्- संविधानको ठाडो उल्लंघन, बलमिच्याईं र घोर अलोकतान्त्रिक प्रवृत्तिको म कडा निन्दा र भत्सर्ना गर्दछु ।’

बहुमत गुमाएको तथ्य बुझेर नै मुख्यमन्त्री शंकर पोखरेलले अविश्वास प्रस्ताव छलेको अरोप देउवाले लगाएका छन्। ‘नेकपा एमालेले प्रदेश सभामा प्रष्ट बहुमत गुमाएको तथ्य बुझेर नै अविश्वास प्रस्ताव छलेका मुख्यमन्त्रीसंग बहुमत छ भनेर मान्नु र पुनः मुख्य मन्त्री नियुक्ति गरिनु राजनैतिक, नैतिक र संवैधानिक कुनै पनि कोणबाट तर्कसंगत छैन, देउवाको भनाइ छ।