निषेधाज्ञासँगै कर तिर्न नसक्ने सरकारसमक्ष निजी क्षेत्रको एकपछि अर्को पत्र

काठमाडौं । निजि क्षेत्रका छाता संगठनहरु उद्योग वाणिज्य महासंघ , नेपाल चेम्बर अफ कमर्स र नेपाल उद्योग परिसंघले निषेधाज्ञा शुरू भएको एक हप्ता नहुँदै सरकारलाई कर तिर्न नसक्ने भन्दै पत्र थमाएका छन् ।

सूचना प्रविधि क्षेत्रको छाता संगठन कम्युटर एशोसियसन नेपाल महासंघ ‘क्यान’ ले पनि सरकारलाई पठाएको छ ।

निषेधाज्ञालाई कारण देखाउँदै क्यानले काठमाण्डौं उपत्यका लगायतका कतिपय जिल्लामा अत्यावश्यकबाहेक सबै प्रकारका सेवाहरू ठप्प भएको, घरबाहिर निस्किन नपाएको , सार्वजनिक एवं निजी सवारीसाधन सञ्चालनमा पनि रोकका कारण कार्यालयसम्म पुग्न र विवरणहरु लिन नसकिने अवस्था भएको भन्दै कर तिर्ने म्याद थपका लागि आग्रह गरेको छ ।

मूल्य अभिवृद्धि कर, अन्तःशुल्क, आय करको अग्रिम कर कट्टी लगायतका करहरूको विवरण बुझाउनु पर्ने म्याद र कर रकम भुक्तानीको समय थप गरिदिन संघको माग छ ।

साथै, कर्मचारी आफ्नै संक्रमित भएकाले कार्यालय आउन जान नसक्ने अवस्था रहकेको भन्दै २५ गते भित्र कर विवरण तथा कर भुक्तानी गर्नै पर्ने र नतिरेमा जरिवाना लाग्ने व्यवस्था अव्यवहारिक रहेको संघको भनाइ छ ।