कोरोनाविरुद्धको चिनियाँ खोपले पायो डब्लुएचओबाट अनुमति
नेपाल प्रेस
२०७८ वैशाख २५ गते ११:२३
बेइजिङ । सिनोफार्मले विकास गरेको चिनियाँ खोप भेरोसेलले विश्व स्वास्थ्य संगठनबाट शुक्रबार आपतकालिन प्रयोगको अनुमति प्राप्त गरेको छ ।
डब्लुएचओले युरोप र अमेरिकाबाहिर उत्पादन भएको खोपलाई पहिलोपटक अनुमति दिएको हो ।
यसअघि फाइजर-बायोएनटेक, अक्सफोर्ड-अस्ट्राजेनेका, जोन्सन एन्ड जोन्सन र मोर्डनाले विकास गरेका खोपले आपतकालिन प्रयोगको अनुमति प्राप्त गरेका छन् ।
चीनले विकास गरेको भेरोसेललाई नेपालमा पनि आपतकालिन प्रयोगमा ल्याइसकिएको छ । नेपालमा हजारौंले भेरोसेल खोप लगाएका छन् । ल्याटिन अमेरिकी र एसियाली मुलुकले पनि भेरोसेललाई अनुमति दिइसकेका छन् ।
डब्लुएचओले चिनियाँ खोप सुरक्षित, प्रभावकारी र गुणस्तरीय रहेको जनाएको छ । यो चिनियाँ खोप १८ वर्षभन्दा माथिल्लो उमेरकालाई २ डोज दिन भनिएको छ ।
नेपाल प्रेस
प्रकाशित: २०७८ वैशाख २५ गते ११:२३
प्रतिक्रिया
सम्बन्धित खवर
