गण्डकीमा थप ३ संक्रमितको मृत्यु

गण्डकी । प्रदेश स्वास्थ्य निर्देशनालय गण्डकीका अनुसार मृत्यु हुनेमा कास्कीका २ र पर्वतका एक जना संक्रमित छन् ।तीनै जनाको पोखरामा उपचारका क्रममा मृत्यु भएको निर्देशनालय प्रमुख डा. विनोदविन्दु शर्माले जानकारी दिए ।

कास्कीका मृत्यु हुने संक्रमितमा पोखरा २३ का ४८ वर्षीय महिला र पोखरा १० का ८१ वर्षीय पुरुष छन् ।त्यस्तै, पर्वत, कुश्मा नगरपालिका १ का ४० वर्षीय संक्रमितको शुक्रबार पोखराको मेडिप्लस अस्पतालमा उपचारका क्रममा मृत्यु भएको छ ।

यो सँगै गण्डकीमा कोरोनाबाट मृत्यु हुनेको संख्या २५१ पुगेको छ । शुक्रबार अहिलेसम्मकै सबैभन्दा धेरै एकैदिन ७ जना संक्रमितको मृत्यु भएको थियो ।