भेन्टिलेटर नहुँदा कोरोनाभाइरस संक्रमित वडाध्यक्षको मृत्यु
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2021/05/bajura-ward-char.jpg)
कैलाली । बाजुरामा एक वडाध्यक्षको कोरोनाभाइरस संक्रमणबाट मृत्यु भएको छ ।
जिल्लाको बडीमालिका नगरपालिका वडा नं-९ का वडाध्यक्ष विनोदकुमार विकको भाइरस संक्रमणबाट ज्यान गएको हो । शनिबार जिल्ला अस्पताल बाजुरामा एन्टीजेन परीक्षण गर्दा संक्रमण पुष्टि भएको थियो ।
उनलाई अस्पतालमा उपचार सम्भव नभएपछि थप उपचारका लागि डडेल्धुरा रिफर गरिएको थियो ।
उपचारको लागि डडेल्धुरा लैजाने क्रममा अछामको साँफेबगरमा मृत्यु भएको जिल्ला प्रहरी कार्यालय बाजुराका प्रहरी नायब उपरीक्षक मदन जित महराले जानकारी दिए । उनलाई अक्सिजन सहित भ्यान्टिलेटरको आवश्यकता पर्ने भएकोले अस्पतालबाट रिफर गरिएको थियो ।
पारिवारिक स्रोतका अनुसार अध्यक्ष विक एक हप्ता अघिदेखि नै विरामी भएका र शनिबार उपचारका लागि अस्पताल लगिएको थियो ।