बाँकेमा थप १२ संक्रमितको मृत्यु

रूपन्देही । कोरोना संक्रमितको मृत्युदर बढेको बाँकेमा थप १२ जना संक्रमित बिरामीको मृत्यु भएको छ ।

जिल्लाका दुई ठूला कोरोना विशेष अस्पताल भेरी अस्पताल र नेपालगन्ज मेडिकल कलेज कोहलपुरमा संक्रमितको बढी मृत्यु भएको छ । भेरी अस्पतालमा उपचारको क्रमको बर्दिया गुलरिया नगरपालिकाका ४७ वर्षीय महिलाको मृत्यु भएको छ ।

उनको आज बिहान ८ बजे मृत्यु भएको हो । सोही अस्पतालमा सल्यान बनगाड कुभिन्डे-६ का ५० वर्षीय पुरुषको उपचारको क्रममा आज बिहान साढे ८ बजे निधन भएको छ । भेरी अस्पतालमै बाँकेका ४९ वर्षीया महिलाको उपचारको क्रममा आज पिन बिहान सोही समयमा मृत्यु भएको हो ।

सोही अस्पातालमा बाँके नेपालगञ्जका ४४ वर्षीय पुरुषको उपचारको क्रममा आज बिहान ६स्३० बजे मृत्यु भएको हो । बाँकेको मधुवन नगरपालिका(६ का ५५ वर्षीय पुरुषको मृत्यु भएको छ । उनको पनि भेरी अस्पतालमा आज बिहान ८स्३० बजे मृत्यु भएको जनस्वास्थ्य कार्यालयका फोकल पर्सन तेज वलीले जानकारी दिए ।

उनका अनुसार कैलाली घोडाघोडि १ का ६० वर्षीय पुरुषको आज बिहान ४स्४५ बजे मृत्यु भएको हो । अर्का बाँके कोहलपुरका ३० वर्षीया महिलाको हिजो साझ ९स्३० बजे मृत्यु भएको छ ।

त्यस्तै, बाँकेकै ४५ वर्षीया महिलाको पनि कोरोना संक्रमणबाट मध्यराति १:३० बजे मृत्यु भएको छ । बर्दियाका बढैयाताल गाउँपालिकाका ६५ वर्षीय पुरुषको पनि भेरी अस्पतालमा आज बिहान १० बजे उपचार हुँदै गर्दा मृत्यु भएको छ ।

त्यसैगरी मेडिकल कलेज कोहलपुर बैशाख २५ गते भर्ना भएका कोहलपुर ११ का ४१ वर्षिय पुरुषको आज बिहान ४ बजे मृत्यु भएको छ भने कोहलपुरमै २४ गते भर्ना भएकी ६४ वर्षिया महिलाको आज बिहान ५:३० बजे मृत्यु भएको छ । बैशाख २२ गते भेरी अस्पतालमा भर्ना भएका तुलसीपुर दाङका ६६ वर्षिय पुरुषको पनि बिहान ३ बजे मृत्यु भएको डीसीसीएमसी बाँकेले जनाएको छ ।

आज मृत्यु भएसँगै बाँकेमा जिल्ला भित्रका २०२ जना र जिल्ला बाहिरका १५४ जना कोरोना संक्रमतिको उपचारका क्रममा मृत्यु भएको छ ।