निषेधाज्ञामा यसरी गरौं मानसिक स्वास्थ्यको स्याहार

काठमाडौं । अहिले राजधानी काठमाडौंसहितका अधिकांश जिल्लामा कोभिड-१९ महामारी रोकथामका लागि निषेधाज्ञा जारी भएको छ ।

लामो समय घरमै रहँदा धेरैजनामा मानसिक समस्या देखिने गरेको छ । फुर्सदको समयलाई सदुपयोग गर्न, स्वस्थ र सकारात्मक रहनको लागि स्वास्थ्य मन्त्रालयले नागरिकलाई केही सुझाव पनि दिएको छ ।

यस्ता छन् स्वास्थ्य मन्त्रालयका सुझाव :
– नियमितरुपमा शारिरिक व्यायाम, योग तथा ध्यान गर्रौ ।
– घरायसी काम तथा पारिवारिक छलफलमा सहभागी हौं ।
– रुचिका खेल खेल्ने, किताब पढ्ने, लेख्ने, रचनात्मक चलचित्र हेर्ने गरौं ।
– सजिलोसँग पच्ने र पोषणयुक्त खानेकुरा खाऔं ।
– पर्याप्ता मात्रामा सुतौं ।
– तनाव व्यवस्थापन गर्न गाह्रो परे मनोचिकित्सक वा मनोविदसँग परामर्श गरौं
– टाढा भएपनि आफन्त र साथिभाईसँग नियमित सम्पर्कमा रहौं ।
– सामाजिक सञ्जालको प्रयोग घटाऔं र अधिक समाचार नहेरैं ।
– दैनिक कार्यतालिका बनाएर आफ्नो दिनचर्यालाई व्यस्त तथा सक्रिय राखौं ।