कोभिड-१९ का कारण बैंकर नीरज श्रेष्ठको निधन

काठमाडौं । कोभिड-१९ को संक्रमणका कारण बैंकर नीरज श्रेष्ठको निधन भएको छ । प्रहरी अस्पतालमा केही दिन देखी उपचार गराइरहेका श्रेष्ठको बुधबार निधन भएको हो ।

कोभिडका कारण स्वास्थ्यस्थिति जटिल बन्दै गएपछी भेन्टिलेटरमा राखेर उपचार गरिएको थियो । श्रेष्ठका श्रीमती र एक छोरी रहेका छन् ।

स्टाडर्ड चार्टड बैंकबाट सन १९८९ बाट आफ्नो बैकिङ करिअर सुरु गरेका श्रेष्ठ माछापुच्छ्रे बैंकका प्रमूख कार्यकारी अधिकृत भएर काम गरेका थिए । उनी सनराइज बैंकको सिइओ समेत नियुक्ती भएपनि बैंकको सञ्चालक समितिभित्रको बिबादका कारण उनले नियुक्ती लिएनन् ।

नेपालको बैंकिङ क्षेत्रमा राम्रो र स्वच्छ छवी भएका श्रेष्ठको निधनले यस क्षेत्रलाई अपुरणिय क्षति पुगेको बैंकर्सहरुले बताएका छन् ।