कैलालीमा कोरोनाबाट ८ जनाको मृत्यु, ४३३ जनामा संक्रमण

कैलाली । पछिल्लो २४ घण्टामा ८ जना कोरोन संक्रमितको मृत्यु भएको छ । सेती प्रादेशिक अस्पतालमा उपचाररत कैलालीका ५ जना, कंचनपुरका २ जना र दार्चुलाला १ जनाको मृत्यु भएको अस्पतालका सूचना अधिकारी दिलिप कुमार श्रेष्ठले बताए ।

कैलालीका पनि ३ जना धनगढी उपमहानगरपालिका भित्रैका रहेका छ । १ जना गोदावरी र १ जना लम्की चुहाका रहेको सूचना अधिकारी श्रेष्ठले जानकारी दिए ।

कैलालीमा पछिल्लो २४ घण्टामा ४३३ जनामा कोरोना संक्रमण पुष्टि भएको छ । सेती प्रादेशिक अस्पतालको प्रयोगशालामा १२०३ जनाको परिक्षण गर्दा कैलालीका ४३३ जनामा संक्रमण पुष्टि भएको हो ।

धनगढी उपमहानगरपालिका भित्रका २५ जनामा संक्रमण पुष्टि भएको हो । कैलालीका अन्य स्थानीय तहमा ४०८ जना संक्रमित भएका छन् ।

कैलाली बाहेकका प्रदेशका अन्य जिल्लामा १०१ जनामा संक्रमण पुष्टि भएको छ । अहिले अस्पतालको अस्थायी कोरोना अस्पतालमा ९८ जना संक्रमितको उपचार भइरहेको छ । ती मध्ये २ जना भेन्टिलेटरमा र १६ जना आइसीयूमा छन् । पछिल्लो २४ घण्टामा २ जना निको भएका छन् भने ७ जन अस्पताल भर्ना भएका छन् ।