काठमाडौं । आजदेखि कोरोनाविरुद्धको चिनियाँ खोप ‘भेरोसेल’ को दोस्रो डोज लगाउन थालिएको छ ।
काठमाडौं महानगरपालिका तथा उपत्यकाका विभिन्न स्थानीय तहका वडाहरूमा यो अभियान सञ्चालन गरिँदैछ । गत चैत २५ देखि वैशाख १५ सम्म पहिलो डोज लगाएका नागरिकका लागि दोस्रो डोज लगाउन लागिएको हो ।
भेरोसेलनको पहिलो डोज लगाउन केही अस्पताल तोकिएकोमा दोस्रो डोजका लागि भने महानगरको प्रत्येक वडामा खोप केन्द्र तोकिएको हो ।
दोस्रो डोजका लागि पहिलो डोज लगाएको खोप कार्य देखाएपछि तोकिएको केन्द्रमा गई खोप लगाउन सकिने महानगरले जनाएको छ ।
