भारतमा एकैदिन ४३ सयको मृत्यु, २ लाख ६३ हजार संक्रमित

दिल्ली । पछिल्लो २४ घण्टामा कोरोनाभाइरस संक्रमणबाट भारतमा ४ हजार ३ सय २९ जनाको मृत्यु भएको छ । २ लाख ६३ हजार ५ सय ३३ जना नयाँ संक्रमित थपिएका छन् भने ४ लाख २२ हजार ४ सय ३६ जना डिस्चार्ज भएका छन् ।

भारतमा हालसम्म २ करोड ५२ लाख २८ हजार ९ सय ९६ जना कोभिड-१९ बाट संक्रमित भएका छन् भने २ करोड १५ लाख ९६ हजार ५ सय १२ जना संक्रमण मुक्त भएका छन् ।

हालसम्म भारतमा मृत्यु हुनेको संख्या २ लाख ७८ हजार ७ सय १९ जना पुगेको छ भने संक्रिय संक्रमितको संख्या ३३ लाख ५३ हजार ७ सय ६५ रहेको छ ।