कास्कीमा जेठ १४ सम्म निषेधाज्ञा थपियो
नेपाल प्रेस
२०७८ जेठ ५ गते २०:१५
फाइल तस्बिर।
पोखरा । कास्कीका जेठ १४ गतेसम्मका लागि निषेधाज्ञा थप गरिएको छ । कोरोनाको संक्रमण दर दैनिक उकालो लाग्दै नियन्त्रणमा नआएपछि निषेधाज्ञा थप गरिएको जिल्ला प्रशासन कार्यालय कास्कीले जनाएको छ ।
प्रशासनद्वारा जारी सूचनामा आफू सम्मिलित हुने गरी मृत्यु संस्कारबाहेक अरु कुनै गतिविधिमा सरिक नहुन पनि आग्रह गरेको छ ।
यसअघि जेठ ७ गतेसम्म लकडाउन घोषणा गरिएको थियो । कास्कीमा बुधबारसम्म कोरोनाबाट २ सय २० जनाको मृत्यु भइसकेको छ । बुधबारमात्रै कास्कीका ८ जना संक्रमितको मृत्यु भएको थियो ।
कास्कीमा अझै ३ हजा ९५६ सक्रिय कोरोना संक्रमित छन् ।
नेपाल प्रेस
प्रकाशित: २०७८ जेठ ५ गते २०:१५
प्रतिक्रिया
सम्बन्धित खवर
