अष्ट्रेलियाद्वारा नेपाललाई महामारीविरुद्ध ६३ करोड सहायताको घोषणा
नेपाल प्रेस
२०७८ जेठ ७ गते १०:५९
काठमाडौं । अष्ट्रेलियाले कोभिड-१९ महामारीविरुद्ध नेपाललाई ६३ करोड ४८ लाख रुपैयाँ (७ मिलियन अष्ट्रेलियन डलर) सहायता प्रदान गर्ने घोषणा गरेको छ ।
अष्ट्रेलियाली दूतावासले शुक्रबार विज्ञप्ती जारी गर्दै कोभिड-१९ विरुद्ध नेपाललाई अतिरिक्त सहयोगको घोषणा गरेको हो ।
नेपालसहित दक्षिण एसियाका बंगलादेश र श्रीलंकालाई उसले दिने भनेको १७.५ मिलियन डलरकै एउटा हिस्सा नेपाललाई घोषणा गरिएको उक्त सहयोग रहेको विज्ञप्तीमा उल्लेख छ ।
उक्त सहयोग अन्तर्गत प्रदेश सरकारलाई अक्सिजन लगायतका जरुरी उपकरण र स्वास्थ्यकर्मीको लागि पीपीई लगायतका सामाग्री समावेश गरिएको छ ।
अष्ट्रेलियाले नेपालको महामारीविरुद्ध युरोप, अमेरिका, जापान र राष्ट्रसंघीय निकायसँग मिलेर काम गर्ने समेत जनाएको छ ।
नेपाल प्रेस
प्रकाशित: २०७८ जेठ ७ गते १०:५९
प्रतिक्रिया
सम्बन्धित खवर
