सेयर बजारमा ३ कीर्तिमान, १३ अर्बमाथिको कारोबार

काठमाडौं । सेयर बजारले ३ कीर्तिमान राखेको छ । आज कारोबार रकम, नेप्से परिसूचक र कारोबार संख्यामा कीर्तिमान कायम भएको हो ।

नेप्से परिसूचक बढेर २८२३.०५ विन्दुमा पुगेको छ । हिजो २८२० विन्दुमा पुगेको थियो । आज हालसम्मकै सर्वाधिक १३ अर्ब ७ करोड रूपैयाँ बराबरको सेयर किनबेच भएको छ । यसअघि गत जेठ ५ गते ११ अर्ब ९५ करोड रुपैयाँ बराबरको कारोबार भएको थियो ।

आज २ करोड ६९ लाख ८३ हजार १९ कित्ता सेयर २ सय १६ कम्पनीको किनबेच भएको छ । यसअघि गत जेठ ४ गते २ करोड ३१ लाख ३१ हजार ६१५ कित्ता कारोबार भएको थियो ।