जनकपुरमा विपक्षी गठबन्धनका नेताको पुत्ला जलाइयो

जनकपुरधाम । नागरिकता सम्बन्धी अध्यादेशको विरोध गरेको भन्दै जनकपुरमा विपक्षी गठबन्धनका नेताहरूको पुत्ला जलाइएको छ ।

राष्ट्रिय युवा संघ नेपाल धनुषाले जनकपुरधामको जनक चोकमा जसपा अध्यक्ष उपेन्द्र यादव, सोही पार्टीका संघीय परिषद् अध्यक्ष डा. बाबुराम भट्टराई, नेपाली कांग्रेस सभापति शेरबहादुर देउवा, एमालेबाट निष्कासित नेता माधवक्मार नेपाल र नेकपा माओावादी केन्द्रका अध्यक्ष प्रचण्डको पुत्ला जलाएको हो । पुत्ला जलाउने क्रममा प्रहरीले सामान्य बल प्रयोग गरेको छ ।

संघका धनुषा अध्यक्ष दिपेन्द्र सिंहले उपेन्द्र, बाबुराम, देउवा, प्रचण्ड कसैले पनि मधेसको मुद्दा सम्बोधन होस् भन्ने नचाहेकाले आफूहरूले विरोध गरेको बताए ।

जसपाकै अर्का अध्यक्ष महन्थ ठाकुरपक्षीय कार्यकर्ताले भने दिपावली गरेर अध्यादेशको स्वागत गरेका थिए ।