काठमाडौंमा घट्न थाल्यो कोरोना संक्रमण
नेपाल प्रेस
२०७८ जेठ १२ गते १९:०१
फाइल तस्बिर
काठमाडौं । काठमाडौं उपत्यकामा कोरोना संक्रमण जेठयता घट्दै गइरहेको छ ।
पछिल्लो २४ घण्टामा काठमाडौं उपत्यकामा १४ सय ९३ थप कोरोना संक्रमित थपिए । मंगलबारको तुलनामा यो धेरै कम हो ।
मंगलबार उपत्यकामा २६ सय १३ संक्रमित थपिएका थिए । जेठको पहिलो सातायता उपत्यकामा संक्रमण घटिरहेको थियो ।
जेठ ६ यता हेर्ने हो भने जेठ ६ मा काठमाडौं उपत्यकामा तीन हजार २३२ कोरोना संक्रमित थपिएका थिए । काठमाडौं जिल्लामा मात्रै संक्रमण दुई हजार ६ सय थियो ।
जेठ ७ गते घटेर उपत्यकामा दुई हजार ४ सय ४७ जना कोभिड–१९ संक्रमित थपिएका छन् । काठमाडौं जिल्लामा पनि घटेर एक हजार ७ सय ५२ पुगेको थियो ।
जेठ ८ गते दुई हजार ३ सय १८ कोरोना संक्रमित थपिएका थिए ।
त्यसयता निरन्तर संक्रमण घट्दै गइरहेको छ ।
नेपाल प्रेस
प्रकाशित: २०७८ जेठ १२ गते १९:०१
प्रतिक्रिया
सम्बन्धित खवर
