कोरोना अपडेट : निको हुने दर बढ्यो, ७२०० संक्रमणमुक्त

काठमाडौं । पछिल्ला केही दिनयता नेपालमा कोरोना संक्रमणमुक्त हुनेको संख्या बढ्न थालेको छ । पछिल्लो २४ घण्टामा ७ हजार २ सय २६ जना डिस्चार्ज भएको स्वास्थ्य मन्त्रालयले जनाएको छ । निको हुने प्रतिशत बढेर ७७ दशमलब २ पुगेको छ । 

६ हजार ९ सय ३९ जना संक्रमित थपिएका छन् । मन्त्रालयका अनुसार थप १ सय ५ जनाको मुत्यु भएको छ । 

२० हजार ४ सय १४ पीसीआर र ५ सय ४८ जनाको परीक्षण गर्दा संक्रमित थपिएका हुन् । काठमाडौं उपत्यकामा १७ सय ३८ जना थपिएका छन् ।

हालसम्म संक्रमण पुष्टि भएकाको संख्या ५ लाख ४२ हजारभन्दा बढी छ । ४ लाख १८ हजारभन्दा बढी निको भएका छन् ।