पछिल्लो २४ घण्टामा ६ हजार ८० ले जिते कोरोना

काठमाडौं । पछिल्लो २४ घण्टामा ४ हजार ४ सय ८७ कोरोना संक्रमित हुँदा त्यसभन्दा बढी ६ हजार ८० जनाले कोरोना जितेका छन्। यद्यपि पछिल्लो २४ घण्टामा अन्य दिनमा भन्दा परीक्षण कम भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा पीसीआर परीक्षण १४ हजार ६ जनाको मात्रै भयो । निको हुने दर बढ्दै गएको छ। शुरुका केही दिन ७४ प्रतिशतको हाराहारीमा रहेको निको हुने दर बढेर ७८.६ प्रतिशत पुगेको छ।

पछिल्लो २४ घण्टामा १ सय १६ जनाको कोरोनाका कारण मृत्यु भएको छ।