भेरोसेल खोप लिन आज बेइजिङ जाँदै नेपाल एयरलाइन्सको जहाज

काठमाडौं । चीन सरकारले अनुदान दिने घोषणा गरेको १० लाख डोज भेरोसेल कोरोना खोप लिन नेपाल एयरलाइन्सको वाइडबडी जहाज आज बेइजिङ जाँदैछ ।

जेठ १२ गते राष्ट्रपति विद्यादेवी भण्डारीले चिनियाँ समकक्षी सी चिङफिङसँग टेलिफोन वार्ता गरेको केहि घण्टामै चीन सरकारले १० लाख डोज खोप उपलब्ध गराउने निर्णय गरेको थियो ।

चीनले यसअघि पनि अनुदानमै ८ लाख डोज भेरोसेल कोराना खोप दिइसकेको छ । नेपाल एयरलाइन्सको जहाज आज राती ११ बजे बेइजिङ प्रस्थान गर्नेछ भने भोलि दिउँसो ३ बजे त्रिभुवन अन्तर्राष्ट्रिय विमानस्थलमा अवतरण गर्नेछ ।