‘कुटुमा कुटु’ गीतद्वारा युट्युवमा १५ करोड भ्यूजको कीर्तिमान, यी हुन सर्वाधिक हेरिएका १० नेपाली गीत

काठमाडौं । नेपाली फिल्म ‘२ रुपैयाँ’को गीत ‘कुटमा कुटु…’ले भिडियो साझेदारी साइट युट्युवमा सर्वाधिक पटक हेरिने नेपाली गीतको कीर्तिमान राखेको छ ।

मंगलबारसम्म १५ करोडभन्दा बढी पटक यसलाई हेरिएको छ । नेपाली र गैरनेपाली दर्शक तथा श्रोताबीच पनि लोकप्रिय बनेको यो गीतमा राजनराज शिवाकोटीले संगीत भरेका हुन् ।

दोस्रो स्थानमा टीका प्रसाइँले गाएको ‘माया लुकलुकी’ छ जसलाई १० करोड ६० लाखभन्दा बढी पटक हेरिएको छ । अहिलेसम्म युट्युवमा १० करोडभन्दा बढी पटक हेरिएका यी दुई गीत हुन् ।

स्वस्तिमा खड्का, निश्चल बस्नेत र आसिफ शाह फिचर्ड गीत ‘कुटुमा कुटु’ गीतका विदेशी भर्सन पनि रिलिज भएका थिए । टीकटक लगायतका सामाजिक सञ्जालमा हिट बनेको यो गीतमा टन्नै कभर गीत पनि निर्माण भएका थिए ।

यी हुन् टपटेन गीत (१७ जेठसम्मको तथ्यांक)
१) कुटुमा कुटु- १५ करोड ८३ हजार ११६
२) माया लुकुलुकी- १० करोड ६० लाख २६ हजार १८८
३) पिरिम नलाउने- ७ करोड ८२ लाख १८ हजार ४०१
४) साली मन पर्‍यो- ७ करोड ४० लाख ७९ हजार ६०७
५) सालको पात टपरी- ६ करोड ९८ लाख ७ हजार ७६३
६) गोजीमा दाम छैन- ६ करोड ९६ लाख ६ हजार १७७
७) नाच फिरिरी- ६ करोड ८८ लाख १२ हजार १४९
८) माया बिरानी- ६ करोड ५७ लाख ५९ हजार ९९१
९) कसरी कसरी २- ६ करोड ३७ लाख ७ हजार ७८०
१०) फुलबुट्टे सारी- ५ करोड ७० लाख ३९ हजार ८०२