फिल्ममा फर्कने तयारीमा टेलर स्वीफ्ट, निर्देशक रसेलसँग टीमअप गर्ने
नेपाल प्रेस
२०७८ जेठ १९ गते १३:२९
लस एन्जल्स । अमेरिकी गायिका टेलर स्वीफ्टलाई पुनः फिल्ममा देख्न पाइने भएको छ ।
रसेल आफैको लेखन एवं निर्देशन रहेको फिल्ममा हलिउडका हु-इज-हु स्टार कास्टरहरु समावेश छन् ।
स्वीफ्टसहित फिल्ममा मार्गेट रोवी, क्रिस्टियन बेल, जोन डेभिड वासिङ्टन, रमी मलिक, जोय साल्दाना, आन्या टेलर जोए, रोबर्ट डे निरो, माइकल स्यानन र तिमोथी ओलिफ्यान्ट स्टार रहने हलिउड रिपोर्टरले जनाएको छ ।
सन् २०१५ को फिल्म ‘जोए’पछि रसेल निर्देशकको रुपमा पुनरागमन गर्न लागेका हुन् । म्याथ्यु बर्डम्यानसँग मिलेर रसेलले फिल्म बनाउन लागेका हुन् । लस-एन्जल्समा प्रि-प्रोडक्सन सम्पन्न भैसकेको फिल्मको प्लट चाहिँ खुलाइएको छैन ।
सन् २०१९ को फिल्म ‘क्याट्स’मा स्वीफ्टले अभिनय गरेकी थिइन् । यो वर्ष आफ्नो एल्बम ‘फल्कलोर’का लागि स्वीफ्टले ग्रामी अवार्डमा एल्बम अफ दी इयरको अवार्ड जितेकी थिइन् ।
नेपाल प्रेस
प्रकाशित: २०७८ जेठ १९ गते १३:२९
प्रतिक्रिया
सम्बन्धित खवर
