जनमोर्चाका प्रदेशसभा सदस्यको पद रिक्त गराउन सूचना दर्ता
नेपाल प्रेस
२०७८ जेठ २० गते १३:१३
काठमाडौं । राष्ट्रिय जनमोर्चाले गण्डकी प्रदेशसभाका सदस्य कृष्ण थापाको पद रिक्त गर्नका लागि प्रदेशसभा सचिवालयमा सूचना दर्ता गराएको छ ।
पार्टीको निर्णय उल्लंघन गरेको भन्दै थापाको प्रदेशसभा सदस्य पद खारेजीका लागि राजमोका केन्द्रीय महासचिव मनोज भट्ट र संसदीय दलको तर्फबाट पियारी थापाले पत्र पठाएका छन् ।
आजै बस्ने प्रदेशसभा बैठकमा सूचना पढेर सुनाइने भएको छ । थापाले मुख्यमन्त्री पृथ्वीसुब्बा गुरुङलाई हटाउन कांग्रेसको पक्षमा हस्ताक्षर नगरेपछि उनलाई पार्टीले कारवाही गरेको छ ।
थापा बाग्लुङ १ को ‘क’ बाट प्रत्यक्ष निर्वाचित सांसद हुन् ।
नेपाल प्रेस
प्रकाशित: २०७८ जेठ २० गते १३:१३
प्रतिक्रिया
सम्बन्धित खवर
