नागरिकता अध्यादेशसम्बन्धी रिटको सुनुवाइ हेर्दाहेर्दैमा

काठमाडौं । नागरिकतासम्बन्धी अध्यादेशविरुद्ध परेको रिटमा सर्वोच्च अदालतको संवैधानिक इजसालमा जारी सुनुवाइ हेर्दाहेर्दैमा राखिएको छ ।

आज प्रधान्यायधीश चोलेन्द्रशमशेर जबरा, न्यायाधीशहरू दीपककुमार कार्की, मीरा खड्का, हरिकृष्ण कार्की र ईश्वरप्रसाद खतिवडा सम्मिलित संवैधानिक इजलासमा सुनुवाइ शुरू भएको थियो । हेर्दाहेर्दैमा राखिएको सो मुद्दाको अर्को सुनुवाइ जेठ २७ गते तोकिएको छ ।

गत जेठ ९ गते सरकारको सिफारिसमा राष्ट्रपतिले नागरिकता सम्बन्धी अध्यादेश जारी गरेकी थिइन् । सो अध्यादेशमार्फत जन्मसिद्ध नागरिकका सन्तानलाई वंशजको आधारमा नागरिकता दिन सकिने व्यवस्था गरिएको थियो । अध्यादेशविरुद्ध सर्वोच्चमा ६ वटा रिट निवेदन परेको छ ।