सल्लाहमै बाहिरिएको हुँ, केही भन्नु छैनः प्रदिप ज्ञवाली

काठमाडौं । प्रधानमन्त्री केपी ओलीले आज आफ्नो मन्त्रीपरिषद्मा व्यापक हेरफेर गर्दै जनता समाजवादी पार्टीलाई सरकारमा भित्र्याए ।

यस क्रममा केही प्रभावशाली मन्त्रीहरु सरकारबाट बाहिरिएका छन् । जसमध्ये परराष्ट्रमन्त्री प्रदिप ज्ञवालीप्रति सामाजिक सञ्जालमा सहानुभूति दखिएको छ ।

शालिन र बौद्धिक छविका कारण धेरैले रुचाएका मन्त्री ज्ञवाली सरकारबाट हट्ने कुरा धेरैका लागि अनपेक्षित रह्यो । उनी प्रधानमन्त्री आलीका विश्वासपात्र समेत मानिन्छन् । तर, ओलीले आश्चर्यजनक निर्णय लिँदै ज्ञवालीलाई बिदा गरेर रघुवीर महासेठलाई उपप्रधानमन्त्री तथा परराष्ट्रमन्त्री बनाएका छन् ।

पूर्वमन्त्री ज्ञवालीसँग हामीले यसबारेमा बुझ्न खोज्दा उनले धेरै बोल्न चाहेनन् । संक्षिप्त प्रतिक्रिया दिँदै उनले आफू सल्लाहमै बाहिरिएको बताए ।

ज्ञवालीले भने, ‘सबै सल्लाहअनुसार नै भएको हो । म सल्लाहमै बाहिरिएको छु । यसबारेमा धेरै केही भन्नु छैन ।’