सेरेना विलियम्स फ्रेन्च ओपनको चौथो चरणबाट बाहिरिइन्

एजेन्सी । कीर्तिमानी टेनिस स्टार सेरेना विलियम्स ग्राण्डस्लाम टेनिस फ्रेन्च ओपनको क्वाटरफाइनलमा पुग्न असफल भएकी छन् ।

गएराति भएको चौथो चरणको खेलमा ३९ वर्षीया सेरेना आफूभन्दा झण्डै आधा उमेरकी एलिना रिबाकिनासँग ६-३ र ७-५ को सेटमा पराजित भइन् ।

रोमान्चक खेलमा २३ पल्टकी ग्राण्डस्लाम विजेता सेरेनालाई काजाखस्तानकी यी युवा खेलाडीले नियन्त्रणमा राखिन् । उनी महिला एकलमा आफ्नो थप सफलताको खोजीमा हुनेछिन् ।

सेरेनाले आफ्नो स्तर फर्काउने प्रयास नगरेकी होइनन् । असफल भएपछि उनी अघिल्लो वरियतामा शीर्ष १० बाट बाहिरिने भएकी छन् । मार्गरेट कोर्टको २४ ग्राण्डस्लाम उपाधिको कीर्तिमान बराबरी गर्ने अवसर अब २८ जुनबाट सुरु हुने विम्बल्डनमा हुनेछ ।

‘निश्चित रुपमा म जितनजिक थिएँ,’ सेरेनाले भनिन्, ‘खेलका क्रममा एउटा क्षण आउँछ त्यसले पूरै खेलको परिस्थिति नै परिवर्तन गरिदिन्छ ।’