काठमाडौंमा जेठ २५ देखि २९ गतेसम्म भेरोसेलको पहिलो डोज खोप लगाइने (तालिकासहित)
नेपाल प्रेस
२०७८ जेठ २४ गते १३:०१
काठमाडौं । ६० देखि ६४ वर्ष उमेर समूहका नागरिकलाई चीनको सिनोफार्म कम्पनीले उत्पादन गरेको भरोसेल खोप लगाइने भएको छ ।
काठमाडौं महानगरपालिले खोप तालिका सार्वजनिक गर्दै जेठ २५ गतदेखि जेठ २९ गतेसम्म बसोबास गरिरहेको वडा नजिकको खोप केन्द्रमा खोप लगाइने जनाएको छ ।
६४ वर्ष उमेरकालाई जेठ २५ गते, ६३ वर्षको लागि जेठ २६ गते, ६२ वर्षकोलाई जेठ २७ गते, ६१ वर्षकोलाई जेठ २८ गते र ६० वर्षकोलाई जेठ २९ गते लगाइने भएको छ ।
बिहान १० देखि ४ बजेसम्म खोप केन्द्रमा खोप लगाइने भएको छ । उमेर खुलेको फोटोसहितको सरकारी कागजात लिएर तोकिएको मितिमा खोप लगाउन भनिएको छ ।
कोभिड–१९ संक्रमण भएका व्यक्तिलाई १ महिनापछि खोप लगाउन भनिएको छ । भेरोसेलको पहिलो मात्रा लगाएकालाई दोस्रो खोप नलगाइने भएको छ ।
नेपाल प्रेस
प्रकाशित: २०७८ जेठ २४ गते १३:०१
प्रतिक्रिया
सम्बन्धित खवर
