बीमा कार्यक्रमलाई सबै नागरिकको पहुँचमा हुने गरि कार्यान्वयन गर्छौं : स्वास्थ्यमन्त्री तामाङ

काठमाडौं । स्वास्थ्य तथा जनसंख्या मन्त्री शेरबहादुर तामाङले स्वास्थ्य बीमा कार्यक्रम प्रभावकारी रुपमा कार्यान्वयन गर्ने बताएका छन् । मन्त्रालयद्वारा सोमबार आयोजित प्रेसमिटमा बीमा कार्यक्रमलाई सबै नागरिकको पहुँचमा लैजाने बताए ।

‘यसबारे हामी अन्तर्राष्ट्रिय अनुभव लिएर बीमा सम्बन्धी पुनर्संरचनाको कार्यक्रमलाई प्राथमिकताका साथ अघि बढाउँछौं’ मन्त्री तामाङले भने, ‘कोही पनि पैसा नहुँदा ज्यान गुमाउन नपरोस् भन्ने कुरामा सरकार गम्भिर छ ।’ सरकारले ल्याएको स्वास्थ्य बीमा कार्यक्रम पूर्ण रुपमा कार्यन्वयनमा नआएको स्वीकार गर्दै उनले आगामी दिनमा यसलाई प्रभावकारी ढंगले कार्यन्वयनमा ल्यउने दावी समेत गरे ।

बीमा कार्यक्रम प्रभावकारी रुपमा संचालन गर्दा बिरामीलाई उपचार गर्न सहज हुने उनको भनाई छ ।

‘म विभिन्न अस्पतालमा गएको छु । मलाई धेरै बिरामीहरुका आफन्तको उपचारमा धेरै खर्च गरेका गरिसक्यौँ २० लाख् २५ लाख माग्छ अस्पतालले, घटाइ दिनुहोस भनेर आग्रह गर्नु भएको छ । उहाँहरुको स्वास्थ्य बीमा भएको भए सहज हुन्थ्यो,’ मनत्री तामाङले भने, ‘यो अवस्थामा उहाँहरुको उपचार खर्च कम हुन्थ्यो । अब हामी स्वास्थ्य बीमा प्रभावकारी बनाउछौँ । र, त्यो अवस्थाको अन्त्य गर्छौ।’