सोमबार ४,४७२ संक्रमित थपिए, ६९५१ जना डिस्चार्ज

काठमाडौं । पछिल्लो २४ घण्टामा मुलुकमा कोरोनाभाइरसका ४,४७२ जना बिरामी थपिएका छन् ।

स्वास्थ्य मन्त्रालयका अनुसार १७ हजार ९०३ (पीसीआर १२ हजार २ र ५९०१ एन्टीजेन) नमुना परीक्षण गर्दा ती संक्रमित थपिएका हुन् ।

सोमबार थप ९२ जनाको मृत्यु भएको छ । मृत्युदर १.३५ प्रतिशत छ । कूल ७, ९९० जनाको मृत्यु भएको छ ।

पछिल्लो २४ घण्टामा ६९५१ जना डिस्चार्ज भएका छन् । निको हुने दर ८४.२ प्रतिशत छ ।

नेपालमा पीसीआर परीक्षणबाट कुल सङ्क्रमित सङ्ख्या पाँच लाख ९१ हजारको हाराहारीमा पुगेको छ जसमध्ये अहिले ७८,३६४ जनामा सक्रिय सङ्क्रमित छन्। कुल सङ्क्रमितमध्ये ३९ प्रतिशत महिला हुन्।