कोरोना संक्रमणबाट मुटुरोग विशेषज्ञ सुवेदीको निधन

रुपन्देही । वरिष्ठ मुटु रोग विशेषज्ञ डा.विकास सुवेदीको कोरोना संक्रमणबाट निधन भएको छ ।

२५ दिनअघि कोरोना संक्रमण पुष्टि भएको ४२ वर्षका डा‍.सुवेदीलाई ह्याम्स अस्पतालमा भेन्टिलेटरमा उपचार भइरहेको थियो । उपचारकै क्रममा गएराती निधन भएको भएको हो ।

सुवेदी गौतम वुद्ध अन्तर्राष्ट्रिय कार्डियाक अस्पतालका सञ्चालक समेत थिए । संक्रमण पुष्टि भएपछि उनले सोही अस्पतालमै उपचार गराइरहेपनि स्वास्थ्य अवस्था जटिल बन्दै गएपछि उनलाई १४ दिनअघि ह्याम्स अस्पताल लगिएको थियो ।