पतञ्जलीले उपहारमा दिएको कोरोनिल किट् वितरणमा रोक
नेपाल प्रेस
२०७८ जेठ २६ गते १२:०८
काठमाडौं । भारतीय योगगुरु रामदेवको पतञ्जली योगपीठले उत्पादन गरेको कोरोनिल किट् वितरणमा नेपालले रोक लगाएको छ ।
कोरोनाभाइरसविरुद्ध प्रभावकारी भएको पर्याप्त प्रमाण नभेटिएको भन्दै आयुर्वेद तथा वैकल्पिक चिकित्सा विभागले वितरणमा रोक लगाएको हो ।
विभागले पतञ्जलीले उपहारस्वरुप दिएका ती किट् नेपालको औषधी व्यवस्था विभागमा दर्ता नभएको समेत जनाएको छ । पतञ्जलीको तर्फबाट गतसाता १५०० किट् तत्कालीन स्वास्थ्यमन्त्री हृदयेश त्रिपाठीलाई बुझाइएको थियो ।
विभागका महानिर्देशक डा. वासुदेव उपाध्यायले उक्त किट्ले स्वास्थ्यमा असर नपर्ने देखिएपनि विभागमा दर्ता नभएकाले वितरण नगर्ने निर्णय गरिएको बताए ।
यसअघि भुटानले पनि कोरोनिल किट्मा रोक लगाइसकेको छ ।
नेपाल प्रेस
प्रकाशित: २०७८ जेठ २६ गते १२:०८
प्रतिक्रिया
सम्बन्धित खवर
