युरो २०२० को पहिलो गोल नै आत्मघाती

काठमाडौं । आजदेखि सुरु भएको युइएफए युरोपियन च्याम्पियनसिप (युरो २०२०) को पहिलो गोल नै आत्मघाती गोल भएको छ । रोममा जारी उद्घाटन खेलमा टर्कीका डिफेन्डर मेरी डेमिरलले आत्मघाती गोल गरेका हुन् ।

पहिलो हाफ गोलरहित बराबरीमा टुङ्गिएको खेलको ५२औं मिनेटमा इटालीका डोमेनिको बेराडीले प्रहार गरेको बलमा डेमिरलले आत्मघाती गोल गरेका हुन् ।

प्रतियोगिताको पहिलो खेलमा अहिले इटाली र टर्की भिडिरहेका छन् । निर्धारित समयको खेल सकिनै लाग्दा इटालीले ३-० को अग्रता लिइरहेको छ ।