प्युठानमा जिप दुर्घटना हुँदा एक जनाको मृत्यु

रुपन्देही । प्युठानको खलंगामा सरकारी जिप दुर्घटना हुदा एक जनाको मत्यु भएको छ ।

दुर्घटनामा परि मृत्यु हुनेमा जिप चालक प्रकाश आचार्य भएको जिल्ला ट्राफिक प्रहरी कार्यालय प्युठानले जनाएको छ ।

कोष तथा लोखा नियन्त्रण कार्यालय प्युठानको ध १ झ नम्वरको उक्त जिप प्युठानको मल्लारानी गाउँपालिका वडा नं ४ खत्रे खोलामा दुर्घटनामा परेको प्रहरी सहायक निरिक्षक कृष्ण बिकले जनाए ।

खलंगाबाट कोष तथा लेखा नियन्त्रण कार्यालयका कार्यालय प्रमुख लगायतका कर्मचारीहरुलाई मल्लारानी गाउँपालिकाको कार्यालयमा छोडेर फर्किदै गरेका कारण जिपमा चालक बाहेक अन्य कोही पनि नभएको बताइएको छ ।

जिप सडकबाट १ सय ५० फिट तल खोलामा खसेको प्रहरीले जनाएको छ ।