युरो २०२०: एरिकसनको स्वास्थ्यमा सुधार

काठमाडौं । युरो २०२० को समूह बी अन्तर्गत जारी खेलमा डेनिस खेलाडी एरिकसन एक्कासी मैदानमा ढलेपछि अनिश्चित बनेको खेल आजै हुने भएको छ ।

एरिकसन ढलेर अचेत भएपछि युइएफएले खेल स्थगित गरेको घोषणा गरेको थियो । तर, उनको अवस्थामा सुधार आएको र कोपनहेगनकै रिग्सहस्पिटलमा उपचार भइरहेको छ ।

‘एरिकसनको होस् खुलेको र उनको स्वास्थ्य अवस्था स्थिर छ, ‘ एरिकसनका एजेन्टलाई उद्धृत गर्दै इटालियन पत्रकार फ्याब्रिजिओ रोमानोले ट्वीट गरेका छन् ।

Christian Eriksen er vågen og er til yderligere undersøgelser på Rigshospitalet.

Kampen er midlertidigt udsat. Ny melding kommer kl. 19.45.

— DBU – En Del Af Noget Større (@DBUfodbold) June 12, 2021

त्यस्तै, एरिकसनको होस खुलेको जानकारी दिँदै डेनमार्क फुटबल संघले उनी अन्य परीक्षणका लागि हस्पिटलमै रहने बताएको छ ।

‘उनी अस्पतालमै रहनेछन्,’ डेनिस एफले भनेको छ, ‘खेलाडीले तयार रहेको बताएसँगै फिनल्यान्डविरुद्धको खेल आजै स्थानीय समयअनुसार २०:३० बजे सुरु हुनेछ ।’

यो खेल नेपाली समयअनुसार १२:१५ बजे ४३औं मिनेटबाट पुन:सुचारु हुनेछ ।