साढे १९ अर्बको कारोबार गर्दै नेप्सेले बनायो रेकर्ड

काठमाडौं । नेप्से परिसूचक आज ३८.३२ अंकले बढेर २९८३.११ विन्दुमा पुगेको छ । कारोबार रकममा पनि रेकर्ड कायम गरेको छ ।

आज १९ अर्ब ५५ करोड १ लाख बराबरको कारोबार भयो । यो अहिलेसम्मकै उच्च हो । यसभन्दा अघि गत आइतबार १७ अर्ब २७ करोड १७ लाख कारोबार भएको थियो ।

आज सबैभन्दा बढी कमाउने कम्पनीहरूमा श्री इन्भेष्टमेन्ट फाइनान्स कम्पनी, कर्णाली विकास बैंक, सिन्धु विकास बैंक रहने । यी कम्पनीको सेयर मूल्य १० प्रतिशतले बढेको छ ।

सबैभन्दा धेरै विकास बैंक समूहको सेयर मूल्य ८.२४ प्रतिशतले बढेको छ । यसैगरी व्यापार समूहका लगानीकर्ताले भने सबैभन्दा धेरै १.०६ प्रतिशतले गुमाउन पुगेका छन् ।