आइतबार र बिहीबार सहकारी र रेमिट खुल्न पाउने
नेपाल प्रेस
२०७८ जेठ ३० गते १७:०२
काठमाडौं । उपत्यकामा जारी निषेधाज्ञा अवधिमा सातामा दुई दिन सहकारी संस्था तथा रेमिटहरु खुल्न पाउने भएका छन् ।
आइतबार बसेको काठमाडौं, भक्तपुर र ललितपुरका जिल्ला सीडीओहरुको बैठकले आइतबार र बिहीबार सहकारी संस्था खोल्न दिने निर्णय गरेको हो ।
बीमा समिति तथा बीमा कम्पनी र धितो पत्र बोर्डले आलोपालो गरी न्यूनतम जनशक्ति (२० प्रतिशत) मात्र प्रयोग गरी कार्य संचालन गर्न पाउने भएका छन् ।
सीमित संख्यामा कर्मचारी व्यवस्थापन गरी वाणिज्य बैंक, विकास बैंक र वित्त कम्पनीहरुले बैंकिङ कारोबार गर्न पाउने भएका छन् । यी सबै नियमको अनुगमन चाहिँ जिल्ला प्रशासनले गर्ने भएको छ ।
यो आदेश असार १ गतेदेखि सात गते मध्यरातसम्म लागु हुने जनाइएको छ ।
नेपाल प्रेस
प्रकाशित: २०७८ जेठ ३० गते १७:०२
प्रतिक्रिया
सम्बन्धित खवर
