यी नदीहरूमा बाढीको सम्भावना, सतर्क रहन अनुरोध

काठमाडौं । मनसुन भित्रिएसँगै केही दिनयता देशका विभिन्न ठाउँमा पानी परिरहको छ ।

आज प्रदेश १, २, गण्डकी र लुम्बिनी प्रदेशका केही स्थानहरूमा भारी वर्षा हुनसक्ने मौसम पूर्वानुमान महाशाखाले जनाएको छ ।

जल तथा मौसम विज्ञान विभागअन्तर्गतको बाढी पूर्वानुमान महाशाखाका अनुसार आउँदा ३ दिन कमला, वागमती, पूर्वी राप्ती, तिनाउ, पश्चिम राप्ती, बबईजस्ता मझौला नदी र यसका स-साना नदीजलाधारमा आकस्मिक बाढी आउनसक्ने भन्दै सचेत गराएको छ ।

यी नदीको तटीय क्षेत्रमा सतर्कता अपनाउन महाशाखाले सर्वसाधारणमा अनुरोध गरेको छ ।