५० जना भन्दा बढी चिनियाँ आरोहीहरु काठमाडौंमा अलपत्र

काठमाडौं । सगरमाथा आरोहण गरी फर्केका ५० जना भन्दा बढी चिनियाँ आरोहीहरु काठमाडौंमा अलपत्र परेका छन् । अन्तर्राष्ट्रिय उडान बन्द भएकाले स्वदेश फर्किन नपाएर काठमाडौंमा रोकिएका हुन् ।

सेभेन समिट ट्रेकबाट आरोहण गर्न आएका १६ जना र एसियन ट्रेक, काइतु ट्रेक, सेभेनसमिट क्लव ट्रेकबाट ५० भन्दा बढी चिनियाँ नागरिकहरु स्वदेश फर्किन पाएका छैनन् । अन्य देशका आरोहीहरु भने ९० प्रतिशत फिर्ता भइसकेको पर्यटन विभागका महानिर्देशक रुद्र सिंह तामाङले बताए ।

भिसा सकिएका र घर फर्कन समस्या भएको भन्दै निवेदन आएपछि परराष्ट्र मन्त्रालयले सहायता गर्ने गरेको पर्यटकका प्रमुख प्रहरी निरीक्षक चन्द्रकिसोर शाहले बताए । सरकारले टर्की, कतार, चीन र भारतका लागि भने सातामा एक पटक उडान गर्न दिने गरी खोल्ने निर्णय गरेको छ ।

यता नागरिक उडड्यन प्राधिकरणले उडान अनुमती लिन चीनलाई एक साता अघिनै पत्राचार गरे पनि हालसम्म अनुमति नलिए पछि चीनका पर्यटकहरु स्वदेश फर्कन समस्या परेको हो ।