राहत लिएर माधव पक्षका विद्यार्थी हेलम्बु प्रस्थान (भिडियाे)

काठमाडौं । नेकपा एमाले माधव नेपाल समूहको विद्यार्थी संगठन अनेरास्ववियूको टोली राहत लिएर सिन्धुपाल्चोकको हेलम्बु गाउँपालिका गएका छन् ।

मेडिकल टिमसहितको टोलीले चामल, चिउरा, दालमोठ, कम्बल, त्रिपाल, चाउचाउ, बिस्कुट लगायतको सामग्री लिएर हेलम्बु गाउँपालिकास्थित बाढी प्रभावित क्षेत्रमा जान लागिएको नेतृ आरती लामाले बताइन् ।

बाढीपहिरोबाट पीडितका लागि राहत लिएर जान लागेको सो टोलीलाई नेता नेपालले बिदाई गरेका छन् । बेसाहारा र असहायलाई महत्वमा राख्न भन्दै उनले सबैभन्दा बढी पीडामा परेका नागरिकको पहिचान गरी राहत वितरण गर्न निर्देशन दिए ।

हेलम्बु गाउँपालिकामा १० लाख बराबरको राहत सामाग्री वितरण गरिने अनेरास्ववियूले जनाएको छ ।

ऐन महर नेतृत्वको संस्थापन पक्षको अनेरास्ववियूको राहत टोली २ दिनअघि नै सिन्धुपाल्चोक गइसकेको छ ।