तिनाउ खोलामा पुरुषको शव फेला

रुपन्देही । पाल्पाको तिनाउ गाउँपालिका–२, दोभान पावरहाउस नजिकै तिनाउ खोलामा शुक्रबार एक पुरुषको शव फेला परेको छ ।

नाम, ठेगाना नखुलेको अन्दाजी ३० वर्षको जस्तो देखिने शव फेला परेको जिल्ला प्रहरी कार्यालयका सूचना अधिकारी रामेश्वर त्वातीले जानकारी दिए ।

खोलाले बगाएर ल्याएको हुनसक्ने प्रहरीले जनाएको छ । उनका अनुसार जिल्ला प्रहरी कार्यालयबाट प्रहरी निरीक्षकको कमान्डमा घटनाको थप अनुसन्धानका लागि घटनास्थल गइसकेको छ ।