कोपा अमेरिका: अर्जेन्टिनासँग उरुग्वे पराजित
नेपाल प्रेस
२०७८ असार ५ गते ७:४०
काठमाडौं । गुइदो रोडरिग्वेजको निर्णायक गोलप्रेरित अर्जेन्टिनाले कोपा अमेरिकाको समूह ‘बी’ अन्तर्गत शनिबार बिहान भएको खेलमा उरुग्वेलाई १-० को नतिजामा पराजित गरेको छ । पहिलो खेलमा चिलीसँग १-१ गोलको बराबरीमा रोकिएको अर्जेन्टिनाको प्रतियोगितामा यो पहिलो जित हो ।
स्टार फरवार्ड लियोनेल मेसीको कप्तानीमा मंदानमा उत्रिएको अर्जेन्टिनालाई जित दिलाउन १३औं मिनेटमा रोडरिग्वेजले गरेको एक मात्र गोल पर्याप्त भयो ।
कर्नरमार्फत् रोडरिगो डी पौलले मेसीलाई छोटो पास दिएका थिए । सोही बलमा मेसीले दिएको बाँयातर्फबाट गरेको क्रसमा रोडरिग्वेजले हेडरमार्फत् गोल गर्दै अर्जेन्टिनालाई अग्रता दिलाएका थिए ।
¡El primero del Clásico! ⚽ Guido Rodríguez conectó un gran centro de Lionel Messi y @Argentina le gana 1-0 a @Uruguay
🇦🇷 Argentina 🆚 Uruguay 🇺🇾#VibraElContinente #VibraOContinente pic.twitter.com/EUwYgLvgeO
— CONMEBOL Copa América™️ (@CopaAmerica) June 19, 2021
प्रतिस्पर्धात्मक खेलमा बल पोसेसनमा प्रभुत्व जमाएको उरुग्वेले गोलका लागि केही अवसर सिर्जना गरे पनि फिनिसिङ प्रभावकारी नुहँदा प्रतियोगिताको पहिलो खेलमै हार बेहोर्नु पर्यो ।
अर्जेन्टिनाले आफ्नो अर्को खेलमा मंगलबार पारग्वेको सामना गर्नेछ भने उरुग्वेले पनि सोही दिन चिलीसँग खेल्ने छ ।
नेपाल प्रेस
प्रकाशित: २०७८ असार ५ गते ७:४०
प्रतिक्रिया
सम्बन्धित खवर
