करेन्ट लागेर महिलाको मृत्यु

रुपन्देही । करेन्ट लागेर पाल्पामा एक महिलाको मृत्यु भएको छ । जिल्लाको रिब्दीकोट गाउँपालिका–३ हिरापोखराकी ३४ वर्र्षीया निरा विकको करेन्ट लागेर मृत्यु भएको हो ।

गीत बजाउने क्रममा वुफरको तार विद्युतको बोर्डमा जोड्दा नाङ्गो तार छोएपछि करेन्ट लागेको पाल्पा प्रहरीले जनाएको छ ।

करेन्ट लागेर घाइते भएकी विकको पाल्पाको युनाइटेड मिसन अस्पतालमा उपचारका क्रममा मृत्यु भएको जिल्ला प्रहरी कार्यालयका सूचना अधिकारी प्रहरी नायव उपरीक्षक रामेश्वर त्वातीले बताए ।