धितोपत्र बोर्डको सूचनाविरुद्ध परेको रिटमा अन्तरिम आदेश आएन

काठमाडौं । शेयर मूल्य अस्वभाविक बढेका ५१ वटा कम्पनीको नाम सार्वजनिक गरिएको भन्दै नेपाल धितोपत्र बोर्ड विरुद्ध परेको रिटमा सर्वोच्चले कारणदेखाउ आदेश जारी गरेको छ । रिट निवेदकको माग बमोजिम अन्तरिम आदेश दिन भने सर्वोच्चले अस्वीकार गरेको छ ।

आज रिटको सुनुवाइ गर्दै न्यायाधीश डा. कुमार चुडालको एकल इजलासले कारण देखाउ आदेश जारी गरेको हो । धितोपत्र बोर्डले ५१ वटा कम्पनीको शेयर मूल्य वृद्धि गर्न चलखेल भएको भन्दै सूची सार्वजनिक गरेको थियो । यसका विरुद्ध अधिवक्ता रविन बोहजुले सर्वोच्च अदालत रिट दर्ता गरेका थिए ।

निवेदकले अन्तरिक आदेश जारी गर्न माग गरे पनि धितोपत्र बोर्डको कार्यले निवेदकको निर्विवाद हकमा असर पारेको नदिएकाले आदेश जारी गरिरहनु नपर्ने सर्वोच्चको आदेशमा उल्लेख छ ।